Friday, October 15, 2004

சிஙகமும் பங்கும் - ஆப்பிரிக்கக் குட்டிக் கதை

சிங்கமும் கழுதைப்புலியும் பசுவைப் பிடித்து வைத்திருந்தன. ஒரு நாள் சிஙகம் பசுவைக் கொன்றது. கழுதைப்புலி தன் குட்டியை சிங்கத்திடம் அனுப்பி தன் பங்கைக்
கேட்டது. கழுதைப்புலியின் பங்காக பசுவின் குடலை மட்டும் கொடுத்து அனுப்பியது சிங்கம்.
கழுதைப் புலியோ, "நீ ஏன் குடலைக் கொண்டு வந்தாய்? அரைவாசிப் பங்குதானே நமக்கு உரியது?" என்று கேட்டது.

குட்டி கழுதைப்புலி சொல்லியது: "நான் சின்னப்பயல். பெரியவர்கள் கொடுப்பதைத்தான் கொண்டு வர முடியும். நான் எப்படி சிங்கத்தோடு விவாதிக்க முடியும்".

அதைக்கேட்டு கோபமான கழுதைப்புலி அந்தக் குடலோடு சிங்கத்தைப் பார்க்கப் போனது. சிங்கம் உணவை உண்டு குகைக்குள் ஒய்வெடுத்துக் கோண்டிருந்தது. கழுதைப்புலி வந்ததைக் கண்டு கண்களை அச்சமூட்டும் வகையில் வைத்திருந்தது. "ஏன் இங்கே வந்தாய்?" - கர்ஜித்தபடி சிங்கம் கேட்டது.

பசுவில் பாதி கேட்க வந்த கழுதைப்புலி தற்போது தன் எண்ணத்தை மாற்றிக்கொண்டு பேசியது: "ராஜ சிங்கமே! நீங்கள் குடல் அனுப்பியதற்கு மிக்க நன்றி, ஆனால் அதனை உங்களிடமே சேர்க்க முடிவு செய்து விட்டோம்".

குடலை சிங்கத்திடம் கொடுத்து விட்டு திரும்பிய கழுதைப்புலியிடம் குட்டி கேட்டது: "பசுவில் பாதி கேட்கப்போன நீங்கள் குடலையும் கொடுத்து விட்டு வருகிறீர்களே?"
"மகனே! சிங்கம் மிகக் கொடுரமாக இருந்தது. அதைக்கண்டு நடுங்கி விட்டேன். எனவே எனது பங்கையும் கொடுத்துவிட்டுப் பாராட்டி விட்டு வந்தேன். எல்லாம் நன்மைக்காக" என்றது தாய் கழுதைப்புலி.

நம்மை விட வலிமையானவர்களைக் கோபப்படுத்துவதை விட அவர்களை சாந்தப்படுத்துவதே பாதுகாப்பானது.

4 comments:

maayaandi said...

Hi Udyakumar.
Welcome to tamil blogging.
Your idea of creating blog for tamil short stories(for children?) is good.It would be favorite blog for children(ofcourse for some adults) in future.All the best.
Now my thoughts on ur story abt Lion and its share.
I don't think it is good idea to tell the children that they should bend to stonger person.They can respect good stonger person but not bend to any stonger person.The story abt Rabbit killing the bad Lion by its intelligence would be the best choice to recommend the children.
Again ur effort is appericiated.Carry on .

Chandramukhi said...

By definition, children stories are open for debate, interpretation and arguments.

>>they should bend to stonger person

How will you explain 'துஷ்டனைக் கண்டால் தூர விலகு'? Or do you think more like a tamil movie writer?

i.e. If you are a hero, attack the strongest politician/instituition and win against them.

or if you are a layman, get screwed by him, to justify hero's revolt?

My thought is simple: Instead of telling the story concept is a bad idea, talk about what will you do if you are pitted in the hyena's (கழுதைப் புலி?) position?

maayaandi said...

//How will you explain 'துஷ்டனைக் கண்டால் தூர விலகு'?//

First of all, I won't make friendship with bad Lion.

//My thought is simple: Instead of telling the story concept is a bad idea, talk about what will you do if you are pitted in the hyena's (கழுதைப் புலி?) position?
//

I will hunt rabbits and save my kids.

ந. உதயகுமார் said...

கருத்துகளுக்கு நன்றி!

// First of all, I won't make friendship with bad Lion. //

நடைமுறையில், நல்லவர், கெட்டவர், எளியவர், வலியவர் என்று முதல் பார்வையில் பகுத்தறிவது மிகக் கடினம். அதே போல், சில வில்லர்கள், மிக நல்லவர் போல் முதலில் நடித்து நல்லவர்கள் வட்டத்திற்குள் நுழைந்து, சமயம் பார்த்துக் கழுத்தறுக்கக் காத்திருப்பர். இந்தக் கோணத்தில் இந்தக் கதையை ஆராய்ந்தால், கழுதைப் புலி செய்தது என் பார்வையில் சரி.